Anti Doping Føroyar (ADF) er føroyska eindin, sum arbeiðir við at fyribyrgja og basa doping innan føroyskan ítrótt. Arbeiðið hjá ADF byggir á løgtingslóg og fylgir altjóða leiðreglum.
ADF hevur fleiri kjarnuuppgávur:
-
At taka dopingroyndir av ítróttarfólki í Føroyum
-
At melda og leggja fram mál um møgulig brot á dopingreglurnar
-
At kunna ítróttarfólk, feløg og almenningin um váðar og reglur í samband við doping
-
At ráðgeva og kunna almennar myndugleikar um viðurskifti, ið eru viðkomandi fyri antidopingarbeiði
-
At luttaka í altjóða samstarvi, sum hevur til endamáls at fyribyrgja doping
Anti Doping Føroyar arbeiðir ikki bara við úrvalsítrótti, men eisini fyri at verja heilsuna og rættvísi í allari ítrótt. Tað er týdningarmikið, at øll – bæði íðkarar, venjarar, foreldur og feløg – hava eina grundleggjandi vitan um antidoping, tí hetta tryggjar bæði trygdina og trúvirðið í føroyskum ítrótti.
